ऑपरेशन प्रस्थान अंतर्गत आर्णी क्रिकेट प्रिमियर लीगचे भव्य आयोजन; २ लाख २२ हजारांची बक्षिसे

आमदरी घाटात भीषण अपघात, एका शाळकरी मुलीचा मृत्यू पुसद तालुक्यातील आमदरी घाटात दि. १५ जुलै रोजी घाटामध्ये सुसाट वेगाने येणाऱ्या ट्रक वरील चालकाचे नियंत्रण सुटल्याने रस्त्याच्या कडेला असलेल्या घरात व शाळेत ट्रक घुसल्याने शाळकरी मुलीचा मृत्यू झाल्याची विदारक घटना 15 जुलै रोजी घडली. प्राप्त माहितीनुसार, पुसद वरून नांदेड कडे जाणाऱ्या सिमेंट ट्रक एम एच १०/सी आर ७७११ क्रमांकाच्या ट्रकच्या ड्रायव्हरचा गाडीवरचा ताबा सुटल्याने सदर ट्रक आमदरी गावातील रस्त्यालगत असलेल्या घरात घुसला नंतर शाळेच्या शौचालयाला धडक दिल्याने शौचालयात घुसल्याने शाळकरी मुलीचा जागीच मृत्यू झाला. सदरील अपघात 15 जुलै च्या सकाळी ११ ते ११.३० च्या दरम्यान घडला आहे. या अपघातामध्ये शाळेचा संडास आणि बाथरूम पूर्णतः पडला आहे. सायंकाळी मुलीचे आई वडील शेतातून घरी आले असता शाळेतून मुलगी का आली नाही? तेव्हा तपास केला असता शाळेच्या स्लॅब खाली मुलगी दबून पडलेली होती. यात तिचा मृत्यू झाला. कु. शितल पांडुरंग किरवळे (वय सात) असे मृतक मुलीचे नाव आहे. पोलिसांनी ट्रक ड्रायव्हरला अटक केली असून पुढील तपास सुरू आहे.